Nakhtar

زموږ د کلي

19.05.2010 02:08

 

زموږ د کلي

دهېواد شیرزاد ښکلی غزل

چې قاتل ته ښيي لار زموږ د کلي
ورپسې دې شي ازار زموږ د کلي

د خپل کور پته پخپله ورته وايي
دا ساده ، ساده هوښيار زموږ د کلي

دا په سپینه جامه سپين خلګ چې گورې
په همدوی کې دی غدار زموږ د کلي

پرون پورې کلي سرې لمبې کولې
نن دی بيا لکه چې وار زموږ د کلي

جنکيو مو گودر نه وينې راوړې
چا ويشتلی دی چنار زموږ د کلي

که ټوپک ورڅخه مات نه کړو هېواده
دا وگړي به وي خوار زموږ د کلي